網紅的藏寶箱［7/23大人繪本塗鴉紀錄］
昨暗仔大人繪本活動有一種無疑悟的發展。
頭起先，看無啥有作者欲表達的意思；落尾，朋友解說了後，啊！原來是按呢的感覺。
作者創作一個角色，叫做“時間有空”，他佇日時暗時中間來回走縱，予人趕來趕去；有一工，鳥仔kah講，頭前的時間內面有一位足媠的公主..
這位“時間有空”足好奇嘛足想欲看媠公主，就出發走揣。
故事的落尾毋是王子和公主鬥陣做伙生活，主角只是kah簿仔紙攬著心肝頭，內面挾一蕊花蕊。
這本冊的法文冊名是“空閒時間”，按呢看著較清楚故事的內容；
每工固定的工課以外，咱閣有啥貨？未來，有足 媠的物件等待咱，你愛家己去揣，你敢相信？
主角相信，嘛出發揣到；彼親像一個信仰，一個儀式，一段安慰陪伴家己的時間。
昨暗仔的朋友，有人畫露螺來替代時間；伊感覺飼囡仔的時間是足慢足慢，閣有重複的代誌直直出現，露螺殼的中央是愛心，是伊家己。
有人畫一個查某人the佇河流內面，伊想到電影“時時刻刻”內面的女主角；
我想，無論啥人，攏需要一個家己的時間（空間）；佇彼个時陣，毋管做啥貨，伊會當放輕鬆著好。
Search